Drejtori i Spitalit të Gjilanit mirëpret në takim përfaqësuesit e Forcës së Sigurisë së Kosovës

Drejtuesit e Spitalit të Përgjithshëm në Gjilan kanë pritur në takim përfaqësuesit e Forcës së Sigurisë së Kosovës (FSK).

Në këtë takim u shprehën se FSK është në gatishmëri të plotë dhe bashkëpunim të përhershëm me të gjitha institucionet e Republikës së Kosovës, për të ju dalë në ndihmë të gjithë qytetarëve.

Drejtori i Spitalit të Përgjithshëm në Gjilan, Dr.Afrim Cana falënderoi Forcën e Sigurisë së Kosovës në emër të institucionit që ai drejton dhe u shpreh se ky bashkëpunim do të vazhdojë përherë duke ju dalë në ndihmë punëtorëve shëndetësorë, pacientëve dhe të gjithë qytetarëve në Republikën e Kosovës.

“Urojmë që ky bashkëpunimin me FSK të jetë i vazhdueshëm, ku të dy institucione kanë qëllimin e përbashkët për të ofruar ndihmë dhe shërbime sa më mira për të gjithë qytetarët”, ka thënë drejtori Cana.  /2LONLINE/