Drejtori i Policisë së Kosovës, Kolonel Hoxha, pret në takim Komandantin e KFOR-it, gjeneralmajor Barduani
Me datën 11.11.2024, në Drejtorinë e Përgjithshme të Policisë së Kosovës në Prishtinë, Drejtori i Përgjithshëm i Policisë se Kosovës Kolonel Gazmend Hoxha me bashkëpunëtorë, priti në një takim Komandantin e Misionit të NATO-s në Kosovë (KFOR), gjeneralmajor Enrico Barduani.
Të dy udhëheqësit diskutuan për bashkëpunimin reciprok dhe rëndësinë e ruajtjes së stabilitetit dhe sigurisë në Kosovë.
Drejtori i përgjithshëm i Policisë së Kosovës kolonel HOXHA theksoi përkushtimin e Policisë së Kosovës për të punuar ngushtë me KFOR-in dhe partnerët ndërkombëtar për të siguruar një ambient të qetë dhe të sigurt për të gjithë dhe përmendi rëndësinë e një bashkëpunimi të fortë në arritjen e objektivave të përbashkëta.
Takimi u përmbyll me konfirmimin e të dy palëve për të thelluar edhe më tej partneritetin në fushën e sigurisë. /2LONLINE/