Drejtori i DKA-së takon drejtorët e shkollave para pushimit pranveror

Drejtori i Drejtorisë Komunale të Arsimit, në Komunën e Kamenicës, Selami Klaiqi, së bashku me zyrtarët nga kjo drejtori, ka mbajtur një takim të përbashkët me të gjithë drejtorët e shkollave të komunës, në prag të pushimit pranveror.

Gjatë këtij takimi u diskutua për ecurinë e procesit mësimor, ku drejtorët raportuan mbi nivelin e suksesit të nxënësve dhe vijueshmërinë e rregullt nëpër shkolla. Po ashtu, u theksua rëndësia e vazhdimit të angazhimit për ruajtjen e cilësisë në arsim dhe përmirësimin e vazhdueshëm të rezultateve.

Në fokus të diskutimit ishin edhe planifikimet për muajin prill, duke përfshirë organizimin e aktiviteteve mësimore dhe jashtëmësimore, si dhe përgatitjet për periudhën në vijim pas pushimit pranveror.

Drejtori Klaiqi vlerësoi angazhimin e drejtuesve të shkollave dhe kërkoi vazhdimin e bashkëpunimit të ngushtë në funksion të avancimit të sistemit arsimor në komunë.  /2LONLINE/