Drejtori i DKA-së, Jeton Rexhepi vlerëson kontributin në arsim të profesor Nevzad Isufit

Drejtori i Drejtorisë Komunale të Arsimit (DKA) në Gjilan, Jeton Rexhepi vlerësoi kontributin në arsim të profesor Nevzad Isufit, të cilin e mirëpriti në ambientet e Drejtorisë, transmeton 2LONLINE.com.

“Patëm kënaqësinë të presim profesorin Nevzad Isufi, i nominuar nga komuna jonë për çmimin prestigjioz “Shaban Jashari”. Puna, përkushtimi dhe profesionalizmi i tij janë dëshmi se misioni i mësuesit mbetet një ndër misionet më të shenjta dhe më të rëndësishme në shoqëri. Përmes dijes, edukimit dhe shembullit personal, ai ka dhënë një kontribut të çmuar në formimin e shumë gjeneratave të nxënësve”, ka thënë drejtori Rexhepi.

Ai, në emër të Drejtorisë Komunale të Arsimit dhe në emër të tij, shprehu mirënjohjen e sinqertë për kontributin e çmuar në arsim, të Isufit duke i uruar njëherazi suksese të mëtejme në rrugën e tij profesionale.  /2LONLINE/