Drejtori Haki Huruglica është pritur në takim nga zëvendësministri Jeton Mehmeti

Drejtori i Drejtorisë për Zhvillim Ekonomik, në Komunën e Gjilani, Haki Huruglica është pritur në takim nga zëvendësministri Jeton Mehmeti, në Ministrinë e Industrisë, Ndërmarrësisë, Tregtisë dhe Inovacionit (MINTI).

“Gjatë takimit diskutuam për mundësitë e bashkëpunimit ndërinstitucional, me theks të veçantë në mbështetjen e bizneseve vendore dhe krijimin e kushteve më të favorshme për zhvillim ekonomik”, ka thënë drejtori Huruglica.

Në fokus të bisedës ishin edhe projektet që nxisin investimet, rritjen e prodhimit vendor dhe hapjen e vendeve të reja të punës në Gjilan.

“U dakorduam që përmes koordinimit të ngushtë të avancojmë iniciativa konkrete që kontribuojnë në zhvillimin e qëndrueshëm ekonomik të komunës”, ka thënë drejtori Huruglica. /2LONLINE/