Drejtori Enver Shabani pjesëmarrës në konferencën “Planifikimi Strategjik, Zhvillimi i Projekteve dhe Menaxhimi i Kontratave”

Drejtori për Zhvillim Ekonomik në Komunën e Gjilanit, Enver Shabani, po merr pjesë në konferencën ku u publikua analiza mbi “Planifikimin Strategjik, Zhvillimin e Projekteve dhe Menaxhimin e Kontratave”.

Në këtë aktivitet ishin përfaqësues të institucioneve lokale dhe qendrore, si dhe ekspertë të fushës, ku u diskutuan praktikat më të mira dhe sfidat në menaxhimin e ciklit të plotë të projekteve – nga planifikimi strategjik e deri te zbatimi dhe mbikëqyrja e kontratave.

Pjesëmarrja në këtë konferencë është një mundësi e mirë për shkëmbim përvojash dhe forcim të kapaciteteve institucionale në funksion të rritjes së efikasitetit në zhvillimin ekonomik lokal.

Ky aktivitet u realizua nga Instituti Kosovar për Qeverisje Lokale KLGI dhe projekti për Decentralizim dhe Përkrahje të Komunave DEMOS, zbatuar nga Helvetas Swiss intercooperation bashkëfinancuar nga Bashkimi Evropian, Zvicra dhe Suedia. /2LONLINE/