Drejtoresha Rashiti takon noterët, flasin për punën e përditshme dhe shërbimet kadastrale
Drejtoresha e Drejtorisë për Gjeodezi, Kadastër dhe Pronë, në Komunën e Gjilanit, Eljesa Rashiti bëri me dije se ka takuar noterët e Komunës së Gjilanit, me të cilët patën një bashkëbisedim të hapur dhe konstruktiv mbi çështjet që ndërlidhen me punën e përditshme dhe shërbimet kadastrale.
Ajo bëri me dije se bashkë me ta dhe udhëheqësen e sektorit të kadastrit, Valbona Bajrami, në veçanti diskutuan për funksionimin e sistemit online, sfidat që paraqiten në praktikë dhe mundësitë për përmirësimin e mëtejmë të komunikimit dhe proceseve të punës.
“Falënderoj noterët për pjesëmarrjen, angazhimin dhe kontributin e tyre të përditshëm, me besimin se komunikimi i vazhdueshëm dhe puna e përbashkët sjellin shërbime më efikase për qytetarët”, ka thënë Eljesa Rashiti, drejtoreshë e Drejtorisë për Gjeodezi, Kadastër dhe Pronë. /2LONLINE/