Drejtoresha Leka pjesë e panelit lidhur me politikat lokale për siguri publike
Drejtoresha e Zhvillimit Ekonomik në Komunën e Kamenicës, Burbuqe Leka, ishte e ftuar në panelin lidhur me debatin mbi Politika të mbajtur në Gjilan, me temën “Udhëheqje që transformon: Politikat lokale për siguri publike”, organizuar në kuadër të Javës së Gruas 2025 nga Instituti Kombëtar Demokratik (NDI) me mbështetjen e Agjencisë Zvicerane për Zhvillim dhe Bashkëpunim (SDC).
Drejtoresha Leka ka thënë se në këtë panel u theksua rëndësia e udhëheqjes gjithëpërfshirëse dhe sigurisë publike për të gjithë qytetarë.
“Faleminderit Komunës së Gjilanit për mikpritjen dhe NDI-së për mundësinë për të ndarë përvojat tona dhe për të diskutuar sfida e zgjidhje në nivel lokal. Ishte kënaqësi të përfaqësoj Komunën e Kamenicës në këtë ngjarje ku u theksua rëndësia e udhëheqjes gjithëpërfshirëse dhe sigurisë publike për të gjithë qytetarët”, ka thënë ajo. /2LONLINE/