Drejtoresha Kadriu premton avancimin e shërbimeve shëndetësore në Zhegër
Gjatë vizitës u diskutua për sfidat me të cilat përballen, nevojat për përmirësim të kushteve të punës si dhe mundësitë për avancimin e mëtejmë të shërbimeve shëndetësore
Në vazhdën e vizitave të realizuara nëpër qendrat e mjekësisë familjare, drejtoresha e Drejtorisë së Shëndetësisë dhe Mirëqenies Sociale, në Komunën e Gjilanit, Mimoza Kadriu, ka vizituar QMF “Fazli Ramadani” në Zhegër.
“Aty nga afër u njohëm me punën dhe përkushtimin e stafit shëndetësor në ofrimin e shërbimeve për qytetarët”, tha drejtoresha Kadriu.
Ajo tregoi se gjatë vizitës u diskutua për sfidat me të cilat përballen, nevojat për përmirësim të kushteve të punës si dhe mundësitë për avancimin e mëtejmë të shërbimeve shëndetësore.
“U vlerësua lartë angazhimi dhe profesionalizmi i stafit, të cilët çdo ditë janë në shërbim të komunitetit”, tha drejtoresha Mimoza Kadriu. /2LONLINE/