Drejtoresha e DKA-së, Albana Demiri mirëpret nxënësen e klasës së gjashtë, Vesa Xhymshiti

“Sot prita në takim nxënësen e klasës së gjashtë, Vesa Xhymshiti. Vesa na përfaqësoi denjësisht në Olimpiadën “NEO SCIENCE OLYMPIAD”, e mbajtur në New York nga data 6 deri më 12 qershor”, ka thënë Albana Demiri, drejtoreshë e Drejtorisë Komunale të Arsimit (DKA), në Gjilan.

Ajo tha se, Vesa u shqua për suksesin e saj të jashtëzakonshëm. Pjesëmarrja e saj u shënua me triumfin e vendit të parë, në kategorinë “Best of the Best” në matematikë.

Drejtoresha e Arsimit tha se kjo është një arritje e shkëlqyer që dëshmon për aftësitë e saj të larta dhe përkushtimin ndaj shkencës.

“Ajo gjithashtu u nderua me medaljen e argjendtë në fushën e shkencës, e cila tregon përpjekjet dhe angazhimin e saj të vazhdueshëm në studimin dhe aplikimin e dijeve shkencore. Vesa është një shembull frymëzimi duke demonstruar se me punë dhe përkushtim, ëndrrat mund të bëhen realitet”, ka thënë drejtoresha e DKA-së, Albana Demiri.  /2LONLINE/