Drejtimi i kulinarisë është drejtimi i ri në IAAP “Andrea Durrsaku” në Kamenicë

Kryetari i Komunës së Kamenicës, Kadri Rahimaj ka vizituar ambientet e Qendrës së Karrierës së bashku me drejtorin e DKA-së Afrim Dervishi, ku kanë takuar 9 nxënësit e parë të drejtimit të ri të kulinarisë në IAAP “Andrea Durrsaku”.

Ata kanë parë për së afërmi punën e mësuar për pak kohë nga këta nxënës, si dhe kanë shijuar pjatat e para të përgatitura nga vet nxënësit.

Kryetari Rahimaj ka përshëndetur kontributin e mësimdhënësve dhe stafit për punën e bërë deri më tani, si dhe ka uruar suksese për nxënësit e këtij drejtimi.

Nxënësit që po përgatiten në këtë drejtim, do të bëjnë edhe praktikë profesionale në bizneset që ushtrojnë të njejtën veprimtari. /2LONLINE/