Dr. Naim Mustafa, pjesë e listës garuese të AAK-së

Dr. Naim Mustafa do të jetë pjesë e listës garuese të Aleancës për Ardhmërinë e Kosovës (AAK), për Asamble Komunale, në zgjedhjet lokale të 12 tetorit.

Atë e ka prezantuar, Nazim Gagica, kreu i AAK-së së Gjilanit, njëherësh kandidat për kryetar komune në zgjedhjet e tetorit.

“Me krenari ju prezantojmë kandidatin tonë për zgjedhjet lokale, Dr. Naim Mustafa. Ai është profesor në Shkollën e Mjekësisë, ku ka ndikuar në edukimin e qindra nxënësve e të rinjve, duke i përgatitur për një të ardhme në shërbim të shëndetit të njerëzve”, ka thënë Gagica.

Si mjek i përkushtuar, Dr. Mustafa ka dhënë kontribut të madh në përmirësimin e shëndetësisë, duke e vënë profesionin e tij në shërbim të komunitetit.

“Me punën e tij të ndershme dhe përkushtimin në arsim e shëndetësi, ai ka fituar respektin e qytetarëve dhe kolegëve. Sot, Dr. Naim Mustafa vendos dijen dhe përvojën e tij në shërbim të qytetit të tij. Është mision për të krijuar kushte më të mira për qytetarët, për familjet, për fëmijët dhe për të ardhmen. Na priftë e mbara”, ka thënë Nazim Gagica i AAK-së.   /2LONLINE/