Dr Arben Bislimi – Kryetar i ri i Shoqatës së Onkologëve të Kosovës

(2L ONLINE) – Dr Arben Bislimi, është zgjedhur Kryetar i ri I Shoqatës së Onkologëve të Kosovës. Delegatët e Kuvendit të rregullt zgjedhor të Shoqatës së Onkologëve të Kosovës kanë votuar më shumicë absolute votash për zgjedhjen e Dr Bislimit për një mandat të ri.

Dr Arben Bislimi, njëri nga specialistët e parë të Onkologjisë në vend, në marrje të mandatit ka shprehur gatishmëri dhe përkushtim për të avancuar ngritjen profesionale dhe shkencore, ruajtjen dhe krijimin e urave te reja te bashkëpunimit gjithnjë për te mirën e te sëmurëve onkologjik me një qasje multidisciplinare.

“Është një kohë sfidash, vështirësive por përkushtimi i onkologëve do të jetë për të përballuar dinjitetshëm kërkesat e kolegëve tanë, pacientëve tanë dhe qytetarëve tanë”, ka thënë Dr.Arben Bislimi, ne fjalen e rastit.

Zgjedhja e Dr. Arben Bislimit, kryetar të Shoqatës së Onkologëve të Kosovës, është bërë me përfaqësimin e delegatëve nga të gjitha klinikat e QKUK-së dhe përfaqësuesit e shërbimit primar .

Dr Arben Bislimi, ka falënderuar punën e deritashme të Shoqatës, kryetarin e saj Prof Dr. Besim Sllamniku, i cili ka dorëzuar raportin financiar dhe dokumentacionin përcjellës për udhëheqjen e re të Shoqatës.

Kuvendi i Shoqatës me votim unanim prof Dr. Besim Sllamnikun ka zgjedhur Kryetar Nderi të Shoqatës, si shenjë falënderimi për vullnetin e mirë dhe kontributin e dhënë me vite në fushën e onkologjisë. /2L ONLINE/