Donacion kompjuterësh nga shoqata “Llashtica vendlindja ime” për shkollën e fshatit
“Me rastin e fillimit të vitit të ri shkollor 2026/2027, shkolla jonë u pasurua me një donacion të çmuar prej 10 kompjuterësh, të dhuruar nga shoqata “Llashtica vendlindja ime” në Zvicër”, thuhet në njoftimin e Drejtorisë së Shkollës Fillore ”Esat Berisha” në Llashticë të Gjilanit.
Drejtuesit e shkollës, në emër të nxënësve dhe stafit, kanë shprehur falënderimin dhe mirënjohjen e tyre të sinqertë për shoqatën humanitare në Zvicër, për donacionin prej 10 kompjuterësh, në këptë fillim viti të ri shkollor 2026/2027.
Ky donacion është një ndihmë e madhe për përmirësimin e mësimit dhe pajisjen e shkollës me teknologji bashkëkohore.
“Falënderojmë kryetarin z. Enver Hajdari me stafin e tij si dhe z. Bekim Fazliu dhe Besim Ismaili të cilët sot sollën këtë donacion të çmuar për shkollën tonë. Faleminderit për bujarinë, përkushtimin dhe mbështetjen tuaj ndaj arsimit dhe nxënësve tanë”, thuhet në njoftimin e e Drejtorisë së Shkollës Fillore ”Esat Berisha” në Llashticë. /2LONLINE/