Dominojnë atletët

(2LONLINE) –  Në shtëpinë e kulturës “Isa Kastrati“, në Kamenicë, të mërkurën është bërë zgjedhja e sportistëve , klubeve dhe trajnerëve më të mirë për vitin kalendarik 2013. Vijona Kryeziu dhe Musa Hajdari, dy anëtarë të klubit të atletikës “ Rogana”, nga Rogana, u shpallën sportistët më të mirë të Komunës së Kamenicës.

Klubi më i suksesshëm është shpallur  klubi i volejbollit  “ Flaka”(femrat),  ndërkaq, trajneri më i mirë i vitit u shpall Zijadin Kryeziu, trajner i klubit i atletikës “ Rogana”.Me mirënjohje e medalje  u shpërblyen  këta sportistë të dalluar : Vullnet Bunjaku- klubi  i atletikës “ Arbëria”, Fisnik Ismajli- klubi  i karatesë “ Shogun”, Sabri Aliu- klubi i shenjëtarisë “ Dardania”, Ilir Zubaku- klubi  i futbollit “ Kamenica”, Elza Maliqi- klubi i  volejbollit  “ Arbëria”, Minire Kryeziu- klubi  i volejbollit “ Flaka”, Nezir Rahimi- klubi i  futbollit “ Kamenica”, Beslind Kastrati  nga  klubi i futbollit “ Kaolini”, Blerina Spahiu, klubi  i volejbollit “ Flaka “ Majlinda Cana klubi i  atletikës “ Rogana”, Granit Kryeziu- klubi i atletikës  “Rogana “ dhe Astrit Kryeziu “- klubi i  atletikës “ Rogana”,

Në këtë eveniment , pos sportistëve  të pranishëm ishin edhe  nënkryetari  i komunës Fatmir Matoshi, që tha se bashkërisht me Kryetarin e komunës së Kamenicës, Begzad Sinani, do t’i japin vëmendje më shumë sportit dhe do të mbështesim edhe më shumë këtë sektor.

Edhe kryesuesi i Kuvendit  Bajram Dërmaku, tha se vullneti i sportistëve  nuk ka munguar asnjëherë, përkundër kushteve të vështira që i kanë përcjellë për të arritur këto suksese. Ai ka uruar që sukseset e sportistëve juaja të vazhdojnë edhe më tutje.

E, Drejtoresha e Drejtorisë për Kulturë, Rini dhe Sport, Venera Dërmaku- Rexha, tha se i  vije mirë që komuna e Kamneicës ka këso sportistë e sportiste të dalluara, dhe ka shtuar se bashkëpunimi nuk do të mungoj as në të ardhmen. /2lonline/