Doli nga shtypi numri i dytë i revistës së shkollës “Yjet Ndriçues”!

“Me krenari prezantojmë numrin e dytë të revistës së shkollës sonë “Yjet Ndriçues”, një botim që pasqyron më së miri jetën, punën, talentin dhe arritjet e komunitetit tonë shkollor”, thuhet në njoftimin e SHFMU ” Mulla Idris Gjilani” Velekincë, Gjilan.

Në faqet e saj do të gjeni krijime letrare, punime artistike, shkrime të nxënësve dhe mësimdhënësve, si dhe një përmbledhje të aktiviteteve, projekteve, sukseseve dhe ngjarjeve më të rëndësishme që shënuan vitin shkollor 2025–2026.

Çdo faqe e kësaj reviste ruan kujtime, emocione dhe përpjekje të përbashkëta, duke dëshmuar se shkolla jonë nuk është vetëm një vend i dijes, por edhe i krijimtarisë, bashkëpunimit dhe zhvillimit të vazhdueshëm.

“Falënderojmë të gjithë nxënësit, mësimdhënësit dhe bashkëpunëtorët që kontribuuan në realizimin e këtij botimi. Kontributi i secilit ka bërë që edhe ky numër i revistës të jetë një pasqyrë e denjë e jetës së shkollës sonë. “Yjet Ndriçues” vazhdojnë të ndriçojnë me dijen, talentin dhe sukseset e nxënësve tanë’, thuhet në njoftimin e shkollës. /2LONLINE/