Dogana në bashkëpunim me Policinë parandalon një rast të kontrabandimit me mallra
Njësia e Task-Forcës Jug, e përbërë nga zyrtarë të Doganës dhe Policisë së Kosovës, ka parandaluar një rast të kontrabandimit me mallra.
Më datë 11.09.2026, rreth orës 22:00, është vërejtur një automjet – furgon, duke hyrë ilegalisht nga territori i Serbisë në territorin e Republikës së Kosovës. Automjeti është ndaluar në magjistralen Preshevë–Gjilan.
Gjatë kontrollit të automjetit, i cili drejtohej nga person shtetas i Serbisë dhe i Kosovës, është konstatuar se në furgon kishte të ngarkuara disa pako të mbushura me speca të freskët, për të cilat drejtuesi nuk posedonte dokumentacion që dëshmonte prejardhjen e tyre.
Automjeti, së bashku me mallin, është sekuestruar nga Dogana e Kosovës dhe është dërguar në terminalin doganor për procedurat e mëtejshme ligjore.
Vlera e mallit në treg është rreth 2,000 euro, pa përfshirë detyrimet doganore.
Dogana e Kosovës mbetet e përkushtuar në parandalimin dhe luftimin e kontrabandës, mbrojtjen e kufirit doganor dhe zbatimin e legjislacionit në fuqi, në bashkëpunim të ngushtë me institucionet e tjera të Republikës së Kosovës. /2LONLINE/