Dogana: Konfiskuam produkte higjenike të falsifikuara
“Si rezultat i ngritjes së bashkëpunimit ndërinstitucional gjithashtu edhe bashkëpunimit me komunitetin e biznesit, kemi arritur të konfiskojmë produkte higjenike të falsifikuara”, thuhet në njoftimin e Doganës së Kosovës.
Të gjitha produktet janë ndaluar gjatë ekzaminimit të mallrave në kufi.
“Produktet janë konfiskuar pasi kanë rezultuar të falsifikuara, më saktësisht mallrat me markën tregtare “Ariel” në sasi prej 4000 cp si dhe mallrat me markën tregtare “Fairy””, thuhet tutje në njoftim.
Mallrat që shkelin të drejtën e pronësisë intelektuale, në të shumtën e rasteve paraqesin rrezik për shëndetin e qytetarëve dhe zbatimi efikas i masave doganore ndikon pozitivisht në mbrojtjen e shëndetit dhe sigurisë publike, përfundon komunikata e doganës së kosovës. /2LONLINE/