Dogana: Konfiskohet sasia e alkoolit të padeklaruar

Dogana e Kosovës njofton se në pikëkalimin Kufitar në Merdare, gjatë kontrollimit të një autobusi të një kompanie kosovare, është zbuluar dhe konfiskuar një sasi e alkoolit të padeklaruar.

Mallrat janë zbuluar në kundërshtim me rregullat për deklarim dhe janë konfiskuar konform Kodit Doganor dhe të Akcizës së Kosovës (KDAK).

Dogana e Kosovës mbetet e përkushtuar në zbatimin e ligjit dhe mbrojtjen e tregut nga importi i paligjshëm i produkteve, thuhet në njoftimin e Doganës.  /2LONLINE/