Dogana e Kosovës shënon Ditën Ndërkombëtare të Doganave me njohje të ekselencës

Dogana e Kosovës iu bashkua administratave doganore nga mbarë bota për të shënuar Ditën Ndërkombëtare të Doganave, duke festuar gjithashtu 8-vjetorin e saj si anëtare krenare e Organizatës Botërore të Doganave (WCO).

Me këtë rast, Drejtori i Përgjithshëm i Doganës së Kosovës, z. Agron Llugaliu, dhe ekipi menaxhues nderuan kontributet e jashtëzakonshme të zyrtarëve të Doganës së Kosovës, të cilët kanë dhënë përpjekje të jashtëzakonshme në avancimin e misionit të organizatës. Gjatë ngjarjes, u shpërndanë letra mirënjohjeje të nënshkruara nga Sekretari i Përgjithshëm i WCO-së, z. Ian Saunders, për të vlerësuar këto arritje të jashtëzakonshme.

Në fjalën e tij, z. Llugaliu shprehu krenarinë për përkushtimin dhe profesionalizmin e të gjithë ekipit të Doganës së Kosovës. “Kjo njohje nuk është vetëm për zyrtarët që kanë demonstruar përpjekje të jashtëzakonshme, por edhe për të gjithë stafin tonë, performanca e kënaqshme dhe përkushtimi i të cilëve kanë kontribuar ndjeshëm në arritjen e rezultateve dhe zhvillimin e Doganës së Kosovës si një organizatë moderne dhe efikase,” tha ai.

Ngjarja theksoi rolin esencial të Doganës së Kosovës në sigurimin e rrjedhjes së qetë të tregtisë, mbrojtjen e komunitetit dhe nxitjen e zhvillimit ekonomik. Me përkushtim dhe mbështetje të vazhdueshme, organizata mbetet e vendosur në misionin e saj për të forcuar sundimin e ligjit dhe për të ofruar shërbime shembullore për komunitetin tregtar dhe qytetarët e Kosovës.

Dogana e Kosovës riafirmon përkushtimin e saj ndaj ekselencës, punës ekipore dhe inovacionit, teksa feston progresin e saj dhe njohjen e marrë në këtë ditë të rëndësishme, thuhet në njoftimin e Doganës së Kosovës. /2LONLINE/