Dogana e Kosovës merr pjesë në takimet e Komitetit të Përhershëm Teknik të OBD-së në Bruksel

Bruksel 30 tetor, Delegacioni i Doganës së Kosovës mori pjesë në takimet e Komitetit të Përhershëm Teknik (PTC) të mbajtura në selinë e Organizatës Botërore të Doganave (OBD) në Bruksel.

Takimet u hapën me fjalën hyrëse të Sekretarit të Përgjithshëm të OBD-së, z. Ian Saunders, i cili theksoi rëndësinë e inovacionit, bashkëpunimit dhe modernizimit në fushën doganore.

Gjatë sesioneve u diskutuan tema me rëndësi globale si: Smart Customs, E-Commerce, Dogana e Gjelbër, Marrëveshjet e Lehtësimit të Tregtisë dhe menaxhimi i qëndrueshëm i kufijve.

Doganat e Kosovës dhanë kontributin e tyre aktiv në diskutime dhe mbeten plotësisht të përkushtuar ndaj objektivave të përbashkëta për inovacion, transformim digjital dhe bashkëpunim ndërkombëtar doganor. /2LONLINE/