Dogana e Kosovës dhe Gjykata e Apelit diskutojnë për thellimin e bashkëpunimit ndërinstitucional

Drejtori i Përgjithshëm i Doganës së Kosovës, z. Agron Llugaliu, është pritur në takim nga Kryetari i Gjykatës së Apelit, z. Valon Totaj.

Gjatë takimit u diskutuan çështje me interes të përbashkët, si dhe tema që ndërlidhen me punën, përgjegjësitë dhe zbatimin e detyrimeve ligjore nga të dy institucionet.

Në fokus të takimit ishte edhe rëndësia e forcimit dhe thellimit të bashkëpunimit ndërinstitucional, veçanërisht në drejtim të avancimit të komunikimit dhe koordinimit në çështjet me interes të përbashkët.

Bashkëbiseduesit vlerësuan rëndësinë e bashkëpunimit institucional në funksion të zbatimit të drejtë dhe efikas të legjislacionit, si dhe të përmbushjes së përgjegjësive që burojnë nga mandati ligjor i institucioneve.

Në përfundim të takimit, palët shprehën gatishmërinë për vazhdimin dhe avancimin e bashkëpunimit ndërinstitucional, me qëllim të forcimit të koordinimit dhe komunikimit institucional, në funksion të përmbushjes sa më efikase të përgjegjësive ligjore. /2LONLINE/