Dogana dhe Policia parandalojnë kontrabandën me mallra të padeklaruara në Merdare

Në kuadër të kontrolleve të rregullta doganore dhe bashkëpunimit të ngushtë ndërinstitucional me Policinë e Kosovës, kanë parandaluar një rast të tentimit për futjen e mallrave të padeklaruara në territorin e Republikës së Kosovës.

Gjatë kontrolleve në hyrje të Pikës së Kalimit Kufitar Merdare, duke përdorur pajisje dhe mjete të specializuara të kontrollit, zyrtarët doganorë, në bashkëpunim me Policinë e Kosovës, kanë identifikuar dhe sekuestruar mallra të padeklaruara, të gjitha të reja, si në vijim:

1. Procesorë PURE ROCK PRO3 LX – ftohës ajri për procesor – 20 copë

2. Motherboard (pllakë amë) MIGRO ATC 128MB – 8 copë

3. Ftohës ajri për procesor SYSTEM POWER 11 – 12 copë

4. Kufje për PC me mikrofon – 15 copë

5. USB Logitech – 25 copë

6. Maus me Wireless – 24 copë

7. Mikrofona për PC – 15 copë

8. Kabllo për telefon ose PC – 24 copë

9. Monitorë gaming për PC ALIENWARE, me pajisje përcjellëse dhe kabllo – 5 sete

Vlera e përafërt e mallrave të sekuestruara është rreth 10,000 euro.

“Dogana e Kosovës mbetet e përkushtuar në luftimin dhe parandalimin e kontrabandës, evazionit dhe shkeljeve të tjera doganore, duke forcuar bashkëpunimin ndërinstitucional me Policinë e Kosovës dhe institucionet e tjera relevante”, thuhet në njoftimin e doganës.  /2LONLINE/