Do t’i kujtojmë e respektojmë gjithmonë martirët, dëshmorët dhe heronjtë tanë që dhanë gjakun e tyre për lirinë dhe shtetin e Kosovës

“Sot bashkë me familjet e dëshmorëve, përfaqësues të institucioneve dhe banorë të Malishevës përkujtuam 26 vjetorin e vrasjes së Adem Salihut dhe Naser Nezirit, të cilët u vranë nga paramilitarët serbë më datën 16 prill të vitit 1999”.

Të nesërmen më 17 prill është vrarë edhe Muhamet Ibrahimi, ndërsa më 18 prill u vranë edhe dy pleq të fshatit axha Hasan Mustafa 77 vjeçar dhe Avdi Mustafa në moshën 69 vjeçare”, ka bërë me dije, Riad Rashiti nga PDK-ja e Gjilanit.

Rashiti tha se në të njëjtin ditë, paramilitarët serbë gjithashtu dëbuan të gjithë banorët e fshatit duke përdorur dhunë, plaçkitje, djegje dhe vrasje të të rinjve, pleqve dhe njerëzve të tjerë të pafajshëm.

Ai shtoi se është e rëndësishme që ti kujtojmë gjithmonë dhe të respektojmë të gjithë martirët, dëshmorët dhe heronjtë tanë, që dhanë gjakun e tyre për lirinë dhe shtetin e Kosovës.

“Ky gjak përbën krenarinë tonë, krenarin e familjeve Salihu, Ibrahimi dhe Mustafa, ata janë themeli i Kosovës së lirë e të pavarur. Secili nga ne tani e kemi obligim për ndërtimin dhe forcimin e institucioneve të shtetit tonë. Do t’i kujtojmë gjithmonë ata që ranë heroikisht për atdheun tonë. Lavdi”, ka thënë Riad Rashiti.  /2LONLINE/