Do të punoj me përkushtim që të krijohen kushte më të mira për biznese

Do të punoj me përkushtim që të krijohen kushte më të mira për biznese

/Bedri Ajeti, kandidat për Asamblenë Komunale të Gjilanit nga radhët e Lidhjes Demokratike të Kosovës (LDK)/

Pata kënaqësinë të takohem me një biznesmen të suksesshëm nga fshati ynë, Lladova – pronarin e Tina Ceramica, kompani e cila prej shumë vitesh është një emër i njohur në tregun e sanitarisë dhe qeramikës.

Diskutuam për sfidat me të cilat përballen bizneset vendore, për mundësitë që ata ofrojnë për punësim, si dhe për rëndësinë e mbështetjes institucionale që ata meritojnë.

Si kandidat për Asamblenë Komunale, unë besoj fuqishëm se bizneset tona janë zemra e zhvillimit ekonomik të komunës së Gjilanit. Në të ardhmen, do të punoj me përkushtim që të krijohen kushte më të mira për ta, sepse zhvillimi i tyre është zhvillimi i të gjithëve ne.

Vetëm duke i dhënë përkrahje njerëzve punëtorë dhe vizionarë, si ky biznesmen i fshatit tonë, mund të ndërtojmë një komunë më të fortë dhe më të zhvilluar.