(2L ONLINE) – Caritas Kosova dhe Komuna e Gjilanit kanë nënshkruar marrëveshje bashkëpunimi për aktivizimin e Qendrave të Mjekësisë Familjare, të cilat deri më tash nuk kanë funksionuar, duke u ofruar shërbime sa më cilësore qytetarëve të Gjilanit.
Komuna e Gjilanit, tash e tutje me nënshkrimin e marrëveshjes me Caritas Kosovën, do të ofroj shërbimet shëndetësore për të gjithë qytetarët e Gjilanit, në të gjitha qendrat ekzistuese, por edhe në qendra mobile shtesë, me qëllimin e vetëm shërbimit të mirë dhe afër qytetarit.
Ky projekt mbështetet nga Caritasi i Kosovës dhe ai gjerman, ndërsa implementohet nga ana e Komunës së Gjilanit, respektivisht nga Qendra Kryesore e Mjekësisë Familjare.
Në kuadër të këtij projekti, është e paraparë që të pranohet një numër i konsiderueshëm i punëtorëve profesional, për të dhënë kontributin profesional dhe shëndetësor për qytetarë. /2L ONLINE/