DKRS:  Sot, Gjilani vishet bardh e kaltër

Drejtoria për Kulturë, Rini e Sport e Komunës së Gjilanit, ka uruar FC Dritën për stolisjen me titull kampion, pasi kjo skuadër e ka siguruar matematikisht titullin kampion të Kosovës për edicionin 2025/26, tri xhiro para përfundimit të kampionatit, pas fitores 2:0 ndaj rivalit direkt, Ballkanit, në ndeshjen e javës së 33-të të AlbiMall Superligës së Kosovës në Futboll.

Në urimin e DKRS thuhet:

Me krenari të madhe, ne si Drejtori për Kulturë, Rini dhe Sport në kuadër të Komunës së Gjilanit, i shprehim urimet më të sinqerta për titullin Kampion i Kosovës në Football, FC DRITA-s.

FC Drita edhe një herë dëshmoi se është krenaria sportive e qytetit tonë, një klub që bashkon gjenerata, ndez emocion dhe e mban Gjilanin në majat e futbollit kosovar.

Urime lojtarëve, stafit, drejtuesve dhe tifozëve fantastikë “Intelektualët”.

Ky sukses i takon gjithë qytetit.

Gjilani feston me kampionët!