DKA: Për herë të parë, Komuna e Gjilanit ofron trajnim profesional për 1,392 mësimdhënës!

“Sot, nisi zyrtarisht trajnimi “Vlerësimi i performacës së mësimdhënësve me bazë ne shkollë”, i parë i këtij lloji, i organizuar nga Komuna e Gjilanit, nga i cili do të përfitojnë 1,392 mësimdhënës me pjesëmarrje falas, me synim ngritjen e kapaciteteve të tyre pedagogjike”, thuhet në një njoftim të Drejtorisë Komunale të Arsimit (DKA), në Gjilan, transmeton 2LONLINE.com.

Në hapjen e trajnimit morën pjesë Kryetari i Komunës, Alban Hyseni, drejtori i DKA-së, Shpend Nuhiu.

“Ky trajnim përfaqëson një hap konkret drejt fuqizimit të vazhdueshëm të kuadrit arsimor, si bazë e domosdoshme për ngritjen e cilësisë në arsim dhe përgatitjen e nxënësve për të ardhmen. DKA, në bashkëpunim me Kryetarin e Komunës, mbetet e përkushtuar në realizimin e nismave të tilla transformuese”, thuhet në njoftimin e DKA-së.

Trajnimi organizohet nga OJQ KCIC. /2LONLINE/