DKA: Gjenerata e parë e kuzhinierëve – një sukses i arsimit dual në Gjilan

“Me pjesëmarrjen e Ministres së Arsimit, Arbërie Nagavci, kryetarit të Komunës së Gjilanit, Alban Hyseni, drejtorit të DKA-së, Shpend Nuhiu, mësimdhënësve dhe prindërve u mbajt ceremonia e certifikimit për nxënësit e shkollës profesionale “Sahit Baftiu”, që përfunduan me sukses programin në kuzhinë”, thuhet në njoftimin e DKA-së.

“Ky është një hap i madh për arsimin dual në komunën tonë – një model që lidh shkollën me jetën reale dhe përgatit të rinjtë për tregun e punës. Urime të përzemërta nxënësve, stafit dhe të gjithë atyre që kontribuan në këtë sukses. Gjilani do të vazhdojë të mbështesë fuqishëm arsimin profesional”, ka thënë kreu i Komunës së Gjilanit, Alban Hyseni.

Ndërsa, sipas DKA-së. Arsimi dual po tregon se është rruga e duhur për të përgatitur të rinjtë për tregun e punës. “Urime për nxënësit, stafin dhe partnerët që kontribuan në këtë sukses”.

“Drejtoria Komunale e Arsimit do të mbetet e përkushtuar në mbështetjen e të rinjve të Komunës së Gjilanit, duke i inkurajuar dhe krijuar kushte të favorshme që ata të orientohen drejt arsimit profesional dhe aftësimit për tregun e punës”, thuhet në njoftimin e kësaj drejtori.  /2LONLINE/