DKA e Gjilanit mban takim informues me administruesit e Testit të Maturës

Drejtoria Komunale e Arsimit (DKA) në Gjilan, në bashkëpunim me përfaqësues të Qendrës së Vlerësimit në kuadër të Ministrisë së Arsimit, Shkencës, Teknologjisë dhe Inovacionit, Fatmir Elezi, udhëheqës i Qendrës për Vlerësim, dhe Afrim Rrahmani nga Divizioni për Vlerësim, Standarde dhe Monitorim, ka mbajtur takim informues me administruesit e Testit të Maturës.

Sipas informatës së DKA-së, në takim morën pjesë 50 administrues të caktuar nga Komuna e Gjilanit të cilët do të angazhohen në procesin e administrimit të Testit të Maturës.

Në këtë takim u diskutua për detyrat dhe përgjegjësitë që kanë administruesit gjatë zhvillimit të testit.

DKA bëri të ditur se gjatë administrimit të testit është kërkuar respektim maksimal i rendit dhe disiplinës, ndërsa u theksua se nuk do të lejohet përdorimi i telefonave celularë gjatë procesit të testimit. /2LONLINE/