Dita e Veteranëve – Kujtojmë sakrificat dhe angazhimin e tyre për lirinë dhe pavarësinë e Kosovës
“Në Ditën e Veteranëve, sot pata nderin t’i takoj familjet e dëshmorëve, veteranët, invalidët e luftës dhe shoqatat e OVL-së së UÇK-së”, bënë të ditur Alban Hyseni, kryetar i Komunës së Gjilanit.
Ai tha se kjo datë është e një rëndësie të veçantë, kur kujtojmë sakrificat dhe angazhimin e tyre për lirinë dhe pavarësinë e Kosovës.
“Respekti dhe mirënjohja për veteranët, dëshmorët dhe invalidët e Ushtrisë Çlirimtare të Kosovës do të mbeten të përhershme”, thotë i pari i Gjilanit. /2LONLINE/