Dita e sotme, ditë zie shtetërore në Kosovë

Ushtruesja e Detyrës së Presidentes së Republikës së Kosovës, Albulena Haxhiu, në mbështetje të Kushtetutës së Kosovës, ka marrë vendim që dita e premte (sot), 24 prill 2026, shpallet Ditë zie shtetërore në Republikën e Kosovës.

“Në nderim të jetës dhe veprës së akademik Rexhep Qosja, e premtja, 24 prill 2026, shpallet Ditë zie shtetërore në Republikën e Kosovës. Me këtë vendim, shteti ynë shpreh nderimin dhe mirënjohjen për një personalitet që i dha kulturës shqiptare dije, vepër dhe autoritet”, ka thënë U.D. Presidentja Haxhiu. /2LONLINE/