Dita Botërore e Ujit shënohet me aktivitete në Gjimnazit “Zenel Hajdini”

Për nder të Ditës Botërore të Ujit, aktivi i Shkencave të Natyrës, i udhëhequr nga kryetari i aktivit, prof.Ali Kryeziu, realizuan disa aktivitete me nxënësit e klasave të dhjeta dhe njëmbëdhjeta, thuhet në njoftimin zyrtar të Gjimnazit “Zenel Hajdini”, Gjilan.

Fillimisht, në këtë shkollë, KRU ”Hidromorava” Sh.A. Gjilan, mbajti një ligjërate shumë domethënëse lidhur me rëndësinë e ujit, me qëllim të vetëdijesimit për ruajtjen e ujit të pijshëm.

Pas ligjëratës, nxënësit prezantuan një ekspozitë modeste, të cilët e kanë realizuar për nder të kësaj dite të rëndësishme.

Në pjesën e dytë të aktivitetit, disa nga nxënësit e klasëve të 10-ta, nën patronatin e KRU “Hidromorava” Sh.A, dhe aktivit “Shkencat Natyrore” vizituan Pendën e liqenit akumulues të Përlepnicës, si dhe panë nga afër gjitha procedurat se si komuna e Gjilanit furnizohet me ujë të pijshëm.

Në ditën e njëjtë disa nxënës të klasave të XI-ta, shpërndanë fletushka mbi vetëdijesimin ndaj ujit të pijshëm.

“Në emër të shkollës, falënderojmë përfaqësuesit e KRU “Hidromorava” Sh.A. për bashkëpunimin dhe respektin”, thuhet në njoftimin e faqes zyrtare të Gjimnazit “Zenel Hajdini”, Gjilan. 

Përndryshe, 22 Marsi, që nga viti 1993 me vendimin e OKB-së shënohet si Dita Botërore e Ujit. /2LONLINE/