Dita Botërore e Diabetit: Çfarë duhet të keni kujdes

Në botë janë miliona njerëz të prekur nga diabeti, por për fat të keq ka një mungesë të madhe ekzaminimit mbi gjendjen. Ne e dimë që nuk është e lehtë të përballemi me sëmundjen e diabetit, por shpesh herë ajo është bërë akoma më e vështirë duke qenë se njerëzit thonë se “nuk mund” të bëjmë këtë, apo “nuk mund” të bëjmë atë.

E vërteta sigurisht është mjaft e ndryshme. Për shembull, njerëzit me diabet shpesh thonë që nuk mund të konsumojnë sheqer. Nuk është e vërtetë! Të paturit diabet nuk do të thotë që do të ndiqni një dietë pa sheqer. Në fakt, njerëzit me diabet duhet të ndjekin një dietë të ekuilibruar dhe të shëndetshme me pak yndyrë, kripë dhe sheqer, por ata janë në gjendje të konsumojnë një gamë të gjerë ushqimesh përfshirë edhe disa me sheqer.

Miti tjetër qe ne vazhdimisht i dalim kundër është perceptimi se Tipi 2 i diabetit është një formë e butë e diabetit. Kjo është shqetësuese për shkak se në qoftë se Tipi 2 i diabetit nuk është menaxhuar si duhet, kjo mund të çojë në komplikacione të rënda si dëmtim të veshkave, verbim apo goditje në tru. Shpesh njerëzit nuk i njohin shenjat dhe simptomat e diabetit të Tipit 2, dhe mund të jenë kushtëzuar shumë vite para se të jenë diagnostikuar, nga kjo kohë komplikimet e tyre janë zhvilluar. Kjo është e papranueshme. Ne kemi nevojë për njerëz që të jenë të vetëdijshëm për faktorët e rrezikut, në mënyrë që të ndërmarrin masa për të zvogëluar rrezikun e zhvillimit të diabetit të Tipit 2.

Me keqardhje e dimë se fëmijët janë pyetur shpesh herë nëse diabeti i tyre ishte shkaktuar nga konsumimi i shumë ëmbëlsirave. Në fakt, shumica e fëmijëve kanë diabet të Tipit 1, i cili nuk është i lidhur me dietën apo mënyrën e jetesës. Gjithashtu të gjithë shpesh kanë perceptimin se të gjithë njerëzit me diabet janë mbipeshë. Ky është një perceptim i gabuar. Të qenurit mbipeshë mund të jetë faktor i madh rreziku për diabetin e Tipit 2, por shumë njerëz të cilët kanë kushtin nuk janë mbipeshë. Historia e familjes, përkatësitë etnike dhe mosha janë të gjithë faktorë të tjerë të rrezikut që luajnë një rol të rëndësishëm.