Diskutojnë për rrugëtimin e mëtutjeshëm të “Vatrës”
/2L ONLINE/ – Kushtrim Kadriu- Koordinator i Lëvizjes ”Vatra”, së bashku me anëtarët e kryesisë Enver Haziri dhe e Basri Daku vizituan Degën e Lëvizjes Qytetare ”Vatra” në Fushë Kosovë, ku u pritën nge Kryetari i degës Fehmi Ramadani me Bashkëpunëtorë.
Gjatë takimit u diskutua për ecjen e “Vatra-s” në nivel lokal në Fushë Kosovë si dhe në nivel vendi.
Kryetari Fehmi Ramadani njoftoi për ecurinë e degës, shtrirjen e saj në terren dhe për rritjen që po përjeton “Vatra” çdo ditë në Fushë Kosovë, me kuadro të reja që po i afrohen idesë dhe vizionit politik të Lëvizjes Qytetare”Vatra”.
Mysafirët u ndanë të kënaqur me punën e madhe dhe me angazhimin e madh që është duke u bërë nga kryetari dhe kryesia e degës në Fushë Kosovë në përhapjen e idesë politike dhe programit politik të “Vatrës” tek banoret e Fushë Kosovës. Hapi i Fushë Kosovës do te ndiqet edhe në qytetet tjera të Kosovës duke besuar në fuqizimin e Lëvizjes ”Vatra” për zgjedhjet e ardhshme Lokale e Qendrore.
Në fund të vizitës u mbajt edhe një takim për kafe me luginasit që ka kohe që po praktikohet nga dega e Lëvizjes ”Vatra” në Fushë Kosovë ku u diskutua me qytearë për tema të ndryshme që po e preokupojnë jetën e tyre. /2L ONLINE/
