Diskutojnë për mundësitë e bashkëpunimit në aktivitete të përbashkëta në shërbim të komunitetit

Kryqi i Kuq i Kosovës, Dega në Gjilan së bashku me Kryetaren e Degës, Dr. Esma Mustafa dhe përfaqësuesit tjerë të degës, realizoi një vizitë në Shoqatën Down Syndrome Kosova – Qendra në Gjilan.

“Gjatë takimit u njohëm nga afër me punën dhe aktivitetet e shoqatës, si dhe diskutuam mundësitë e bashkëpunimit në aktivitete të përbashkëta në shërbim të komunitetit”, thuhet në njoftimin e Kryqit të Kuq të Kosovës, Dega në Gjilan.

Kryqi i Kuq i Kosovës mbetet i përkushtuar ndaj parimeve të humanizmit, paanshmërisë dhe barazisë, duke ofruar mbështetje për të gjithë, pa dallim, thuhet në njoftim.  /2LONLINE/