Diskutojnë për forcimin e bashkëpunimit

Drejtori i Drejtorisë për Mbrojtje dhe Shpëtim, në Komunën e Gjilanit, Enver Shabani, është pritur në takim nga sekretari i Kryqi i Kuq i Kosovës – Dega në Gjilan, Ilmi Shala.

Gjatë takimit u diskutua për forcimin e bashkëpunimit ndërmjet Drejtorisë për Mbrojtje dhe Shpëtim dhe Kryqit të Kuq, me fokus në koordinimin e aktiviteteve humanitare, menaxhimin e situatave emergjente, si dhe ngritjen e kapaciteteve për reagim në shërbim të qytetarëve.

“Bashkëpunimi institucional dhe angazhimi i përbashkët në mbrojtjen e jetës dhe mirëqenies së qytetarëve mbeten prioritete të rëndësishme për të dyja palët, me synimin e ofrimit të shërbimeve sa më efikase për komunitetin”, ka thënë drejtori Shabani.

Takimi u vlerësua si një hap i rëndësishëm drejt thellimit të bashkëpunimit dhe realizimit të projekteve të përbashkëta në të ardhmen. /2LONLINE/