Diskutojnë për ashpërsimin e politikës ndëshkimore për veprat penale kundër rendit kushtetues, sigurisë dhe për korrupsionin e nivelit të lartë
Kryeprokurori i Shtetit dhe Kryetari i Gjykatës Supreme diskutojnë për ashpërsimin e politikës ndëshkimore për veprat penale kundër rendit kushtetues dhe sigurisë, si dhe për rastet e korrupsionit të nivelit të lartë
Kryeprokurori i Shtetit, z. Zejnulla Gashi, dhe Zëvendëskryeprokurori i Shtetit, z. Bahri Hyseni, kanë pritur në takim Kryetarin e Gjykatës Supreme të Kosovës, z. Fejzullah Rexhepi, dhe gjyqtarin e Gjykatës Supreme, z. Agim Maliqi.
Temë qendrore e diskutimeve profesionale ishte nevoja për një politikë më të ashpër ndëshkimore për veprat penale kundër rendit kushtetues dhe sigurisë së Republikës së Kosovës, si dhe për rastet e korrupsionit të nivelit të lartë.
Të dy udhëheqësit e këtyre institucioneve konfirmuan përkushtimin e tyre për avancimin e bashkëpunimit të ndërsjellë në përputhje të plotë me kompetencat e tyre ligjore në funksion të forcimit të sundimit të ligjit në Republikën e Kosovës. /2LONLINE/
