Diskutohet për rëndësinë e menaxhimit dhe modernizimit të arkivave institucionale

Drejtori i Drejtorisë për Administratë të Përgjithshme në Komunën e Gjilanit, Elbasan Shabani, ka zhvilluar sot një takim pune me Drejtorin e Arkivave të Kosovës, Ruzhdi Panxha, ku u diskutua për rëndësinë e menaxhimit dhe modernizimit të arkivave institucionale.

Në takim morën pjesë edhe anëtari i Kuvendit Komunal të Gjilanit, Kushtrim Kadriu, si dhe zyrtari ligjor i administratës, Ardian Foniqi. Diskutimet u përqendruan në rolin e ruajtjes, sistemimit dhe digjitalizimit të arkivave si faktor kyç për funksionimin efikas të institucioneve dhe ruajtjen e dokumentacionit zyrtar.

Shabani theksoi nevojën për avancimin e proceseve arkivore dhe forcimin e bashkëpunimit ndërinstitucional në këtë drejtim.

“Ruajtja, sistemimi dhe digjitalizimi i arkivave janë elemente kyçe për funksionimin efikas të institucioneve dhe për ruajtjen e dokumenteve,” deklaroi drejtori Elbasan Shabani.  /2LONLINE/