Diskutohet për performancën e Kompanisë dhe të furnizimit të rregullt të konsumatorëve me ujë

Më 25 02.2025 Bordi i Drejtorëve i KRU “Hidromorava” mbajti Mbledhjen e dytë (II-të) të rregullt për vitin 2025 dhe së bashku me Menaxhmentin e Kompanisë u diskutua performanca e Kompanisë dhe furnizimi i rregullt i konsumatorëve me ujë.

Pas analizave dhe diskutimeve, Bordi i Drejtorëve unanimisht aprovoi:

● Raportin e punës për tremujorin e katërt të vitit 2024;

● Raportin e punës për muajin janar të vitit 2025.

Gjithashtu, në këtë Mbledhje Bordi i Drejtorëve shqyrtoi Raportin Vjetor të Punës për vitin 2024, ku pas një analize të detajuar, u konstatua se viti 2024 është përmbyllur me një performancë pozitive, duke reflektuar progres të vazhdueshëm dhe përkushtim në ofrimin e shërbimeve cilësore për qytetarët.

Gjatë vitit 2025, fokusi kryesor i Kompanisë do të mbetet furnizimi i mjaftueshëm me ujë i të gjithë konsumatorëve në zonën e shërbimit, zvogëlimi humbjeve të ujit si dhe realizimi i suksesshëm të projekteve investive të planifikuara për vitin 2025, u tha në këtë takim.  /2LONLINE/