Diskutohet mundësia e bashkëpunimit në aktivitete që lidhen me menaxhimin e emergjencave civile dhe ngritjen e vetëdijes së qytetarëve
Drejtori i Drejtorisë për Mbrojtje dhe Shpëtim, në Komunën e Gjilanit, Enevr Shabani sot priti në takim përfaqësuesit e Klubit Rotarian “Gjilani”, kryetarin Metush Bajrami si dhe përfaqësuesit e këtij klubi, Sami Spahiu dhe Irfan Musliu.
Gjatë takimit u diskutua për mundësinë e bashkëpunimit me aktivitete që lidhen me menaxhimin e emergjencave civile dhe ngritjen e vetëdijes së qytetarëve.
Përfaqësuesit e Klubit Rotary Gjilani prezantuan misionin dhe aktivitetet e tyre, duke theksuar angazhimin e vazhdueshëm me Drejtorinë për Mbrojtje dhe Shpëtim, si dhe Njësinë Profesionale të Zjarrëfikjes dhe Shpëtimit.
Drejtori Enver Shabani, vlerësoi lartë kontributin dhe përvojën e Klubit Rotary Gjilani duke theksuar bashkëpunimin për ngritjen e kapaciteteve lokale në fushën e mbrojtjes dhe shpëtimit.
Në fund, të dyja palët shprehën gatishmërinë për të vazhduar bashkëpunimin përmes organizimit të aktiviteteve të përbashkëta dhe nismave që kontribuojnë në sigurinë dhe mirëqenien e qytetarëve. /2LONLINE/