Diskutohen sfidat dhe riorganizimi i shërbimeve në QKMF “Dr. Shaban Geci”

Drejtori i Drejtorisë së Shëndetësisë dhe Mirëqenies Sociale, në Komunën e Kamenicës, Besart Kryeziu, ka mbajtur takim konsultativ me udhëheqësit e sektorëve në kuadër të Qendrës Kryesore të Mjekësisë Familjare (QKMF) “Dr. Shaban Geci”.

Qëllimi i këtij takimi ishte diskutimi i sfidave në sektorin e shëndetësisë, me theks të veçantë në çështjen e riorganizimit të orarit dhe të shërbimeve në QKMF dhe në njësitë e saj, gjithmonë në funksion të rritjes së efikasitetit dhe përmirësimit të cilësisë së shërbimeve shëndetësore për qytetarët. /2LONLINE/