Diskutimin publik me komunitetin serb të Binqës
/2L ONLINE/ – Drejtori për Ekonomi, Financa dhe Zhvillim, Ibrahim Rama ka mbajtur dje diskutimin e fundit publik me komuniteti serb në fshatin Binqë të Vitisë dhe atë me qëllim që edhe ky komunitet të jetë pjesë e hartimit të buxhetit komunal për vitet 2016-2018 konkretisht të listës për investime kapitale.
Gjatë këtij takimi Drejtori Rama gjatë këtij takimi i ka njoftuar banorët e këtij lokaliteti rreth buxhetit aktual por edhe për vitin në vijim procedurave dhe ndarjen e saj në kategoritë e ndryshme ekonomike. Në pjesën e dytë të këtij takimi banorët kanë parashtruar kërkesat dhe nevojat e tyre e ndër më të rëndësishmet ishin: përforcimin e kapaciteteve të ujit, rregullimin e rrugës me zhavorr që lidhë Binqën me Beguncën por edhe disa kërkesa të tjera.
Përndryshe gjatë këtij muaji Komuna e Vitisë ka mbajtur 20 diskutime publike, 16 me banorë të lokaliteteve të ndryshme dhe 4 me kategoritë të ndryshme të shoqërisë./2L ONLINE/