Diplomon gjenerata e dytë në Kursin për Rreshter Major

Në ambientet e Komandës së Doktrinës dhe Stërvitjes është realizuar ceremonia e “Kursit të Rreshter Majorëve”, gjenerata e dytë e edukimit në këtë nivel.

Forca e Sigurisë është ndërtuar dhe po edukohet mbi bazën e vlerave dhe standardeve më të larta të Ushtrisë Amerikane.

Shkolla e Nënoficerëve në KDS ka realizuar me sukses kompletimin e edukimit më të lartë të nivelit të nënoficerëve.

Komandanti i KDS-së gjeneral brigade Jeton Dreshaj, në emër të komandantit të FSK-së i uroi të diplomuarit për sukseset e arritura gjatë shkollimit dhe falënderoi të pranishmit.

Trembëdhjetë nënoficerët e diplomuar do të vazhdojnë rrugëtimin e tyre në trajnim, mentorimin, këshillimin dhe mësimin e gjeneratave të reja në të gjitha njësitë e FSK-së. /2LONLINE/