Diplomojnë 18 Kadetë të FSK-së

Në Kazermën “Adem Jashari” në Prishtinë bënë betimin 18 kadetë, që u diplomuan në Qendrën për Studime Universitare pranë Akademisë së Mbrojtjes të Forcës së Sigurisë së Kosovës të cilët përfunduan me sukses studimin katër vjeçar në fushën ushtarake dhe përgatitjen profesionale pranë Universitetit Amerikan në Kosovë (RITK).

Ceremonia e diplomimit të kadetëve filloi me raportimin para udhëheqësve të lartë, ku të pranishëm ishin një numër i konsiderueshëm i udhëheqësve ushtarakë dhe civilë, përfaqësuesve të institucioneve të Republikës së Kosovës dhe partnerë ndërkombëtarë. Kadetët e gjeneratës 2025 dhanë betimin solemn dhe morën gradën e nëntogerit duke u bërë udhëheqësit më të rinj për t`i shërbyer me nder dhe dinjitet atdheut. /2LONLINE/