Dilema dhe zgjedhjet

(2LONLINE) – Zgjedhjet nacionale që duhet të mbahen në këtë vit mbase do të karakterizoheshin si “historike” janë plotë paqartësi, si dhe data e mbajtjes së tyre. Sigurisht kushtetuta përcakton si duhet të mbahen dhe kur mund të mbahen ato, nëse ato janë parakohshme apo në afatin  e paraparë në bazë të ligjeve aktuale. Si duket llogaritë matematikore nuk po u dalin të mira dhe tash duhet të krijohet një skenarë se mund të rrëzohet qeveria me iniciativa të partive opozitare. Mirëpo si duket edhe pozitës po i mungojnë numrat për vazhduar së qeverisur,por edhe opozitës njëashtu për rrëzimin e saj. Këtë ngërç si duket po e zmadhon edhe më shumë faktori ndërkombëtar i cili si duket nuk i parashikoj që do të ketë zgjedhje të parakohshme në Serbi. Heshtja e  këtyre të fundit i ka lënë në “lloq” vendorët.

Nuk duhet hamendësuar se kjo po ndodh dhe si duket edhe iniciativat shterpë për rrëzimin e qeverisë nuk do të kenë sukses. Parashikimet se zgjedhjet të mbahen në vjeshtë do të jenë më përafërta, se sa asaj nga do të ketë mosbesim ndaj qeverisë. Po e them këtë sepse kjo ndërlidhet edhe me zhvillimin e bisedimeve që po ndodhin në Bruksel. Kjo u pa edhe në ndryshimet të qëndrimeve të liderëve opozitarë. Reforma zgjedhore ka hasur në pengesa se si të procedohet më tutje, edhe kjo e shtyn datën e zgjedhjeve.

Zgjedhje e përgjithshme janë plotë të papritura sepse këtu do të ndikon edhe procesi i privatizimit të postës dhe telekomit të Kosovës i cili mendoj se do të përcakton edhe fituesin e zgjedhjeve, mendoj që këtu do të testohen partitë. Privatizimi i aseteve shoqërore siç është PTK, pasuria nëntokësore qymyri mineralet, mirëqenia sociale e popullatës janë barrë e qeverive në këtë mandat.

Dilema për këtë si duket po i brengosin ata që mendojnë ti fitojnë zgjedhje, ky ishte edhe impuls në zgjedhjet komunale se populli ndëshkon mos suksesin e treguar nga sa ajo pritej. Si duket edhe kësaj herë nuk do të funksionoj retorika e përsëritur nga partitë se ofrojmë mirëqenie ekonomike dhe punësim. /2lonline/

Artan JAKUPI