Dhuna nuk është  zgjidhje

Shkruan: Ismajl Kurteshi

Sulmi fizik ndaj veprimtari politik Hysni Mehana, nga kryetari i Komunës së Skenderajt, ose nga varësit e tij, nuk e ka lënduar vetëm Hysniun e as vetëm subjektin politik në kuadër të cilit vepron Hysniu.  Sulme të tilla e lëndojnë demokracinë e këtij vendi që të ardhmen e ka në botën demokratike.

Të gjithë duhet ta kuptojmë se etiketimet e sidomos dhuna fizike, po nuk u ndalën, do t’i sjellin dëme të pariparueshme vendit.

Ne, në Kosovë duhet të jetojmë bashkë dhe pa tensione përkundër dallimeve që i kemi.

Arsyetimi i dhunës nuk e ndihmon askënd, dhuna duhet të luftohet pavarësisht se prej nga vjen.

Veprimi institucional në funksion të ndalimit të dhunës dhe ndëshkimit të dhunuesve është i domosdoshëm. Reagimi qytetar në raste të këtilla është obligim i secilit që ja do të mirën këtij vendi. 

Atyre që e pengojnë të ardhmen e vendit bashkë duhet t’ua ndalim hovin.  /2LONLINE/