Dhembjet e qafës

/2L ONLINE/ – Shkaqet e dhembjeve te qafës janë disa si shembull: traumat, problemet emocionale, lëvizjet dhe pozicioni i gabuar, problemet me kockat, dobësia e muskujve të qafës etj.

Shenjat kryesore të dhembjeve të qafës janë: Dhimbje koke, të vjella, humbje përqendrimi, humbje kujtese, marrje mendsh dhe të gjitha këto kur qafa tendoset, dy damarët kryesore (a.vertebralis) që e ushqejnë trurin tërhiqen duke mos dërguar oksigjenin e mjaftueshëm në tru.

Diagnostifikimi bëhet me një Rentgen të thjesht ose në raste më të rënda rezonancë magnetike -MRI.

Mjekimi- Nëse është në hapat e parë, mjafton marrja e ilaçeve kundër dhimbjes ose e një miorelaksanti, aplikimi i ngrohtësisë, pushim në një vend të qetë dhe pa dritë.

Nëse problemi ka përparuar dhe ka dhimbje të vazhdueshme ose nëse e ka prekur edhe dorën (mpirje të duarve, gishtave) atëherë pacienti ka nevojë për rehabilitim fizik (Terapi fizikale).

Nëse bashkë me këtë kemi dhe ndonjë hernia diskale atëherë është i indikuar operimi i diskut intervertebral. /2L ONLINE/

Dr. Lavdrim Devaja – Ordinanca Specialistike “Medical Service Center”