Dha shumë për Dritën, por do të mungojë ndeshjen e ardhshme

Derbi numër 28-të kampional ndërmjet Dritës dhe Gjilanit  u fitua nga bardh e kaltërit me rezultat 3-1. Disa herë gjatë ndeshjes pati tensione në mes të lojtarëve, por përfundonin shpejt.

Ndërsa, ai që mirrej me drejtësinë në këtë ndeshje Besfort Kasumi nuk i kurseu aspak kartonët.

Ansi Nika e pësoi te Gjilani duke u ndëshkuar direkt me të kuqin, ndërkohë që pas përfundimit të ndeshjes edhe Fidan Gërbeshi u ndëshkua direkt me karton të kuq, pasi që ofendoi futbollistët e Gjilanit.

Kështu kryetrajneri Ardian Nuhiu nuk do të mund të llogaris në shërbimet e Gërbeshit për ndeshjen e ardhshme ndaj Trepçës ’89.

Sidoqoftë fitorja në derbi ka koston e vet dhe këtë do ta paguaj kësaj rradhe mbrojtësi Gërbeshi.