Dezinsektimi i hapësirave publike nis nesër gjatë mbrëmjes dhe vazhdon tri ditë

/2L ONLINE/ – Drejtoria e Shëndetësisë dhe Mirëqenies Sociale, do të bëjë dezinsektimin e hapësirave publike në qytet duke nisur nga nesër me 14 gusht për të vazhduar tri ditë në eliminim të insekteve, por poashtu apelon edhe për të marr masat e nevojshme nga bletarët në mbrojtje të bletëve.

Me këtë rast drejtori i kësaj drejtorie, Nexhat Hajrullahu, njofton të gjithë qytetarët lidhur me këtë aktivitet të kësaj drejtorie në eliminim të insekteve të ndryshme që janë penguese në jetën e qytetarëve.

“Informojmë të gjithë qytetarët e Komunës së Gjilanit se me 14 gusht nga ora 20:00, do të nis dezinsektimi i hapësirave publike në qytetin e Gjilanit, për të eliminuar insektet e ndryshme që janë edhe pengesë për qytetarët gjatë mbrëmjes. Apeloj dhe kërkoj në të njejtën kohë nga bujqit, e posaçërisht bletarët që të marrin masat e nevojshme në mbrojtje të bletëve gjatë këtyre tri ditëve sa do të kryhet ky aktivitet, sepse mund të jetë i dëmshëm për bletët e tyre”, ka thënë në njoftimin e tij drejtori Hajrullahu. /2L ONLINE/